Фільм: Беларусы ў гусіцкіх войнах

Від: Дакументальны

Характарыстыка: Фільм з цыкла «Гісторыя пад знакам «Пагоні» («Белсат»). Пасля перамогі ў Грунвальдскай бітве, калі злучанае войска Ягайлы і Вітаўта разбіла тэўтонскіх рыцараў, пачаўся самы спрыяльны перыяд у гісторыі Вялікага княства Літоўскага. Мяжы яго сягалі ад Чорнага да Балтыйскага мора. На працягу пэўнага часу пад пратэктаратам літвінаў апынуліся таксама і чэхі...

Фільм: Гарадзельская унія

Від: Дакументальны

Характарыстыка: Фільм з цыкла «Гісторыя пад знакам «Пагоні» («Белсат»). Пасля гістарычнай паразы пад Грунвальдам Тэўтонскі ордэн не перастаў існаваць. Заручыўшыся падтрымкай імператара Свяшчэннай Рымскай імперыі, крыжакі марылі аднавіць былую моц. Магчымасць новай вайны падштурхоўвала Вітаўта і Ягайлы на далейшае ўмацаванне агульных сіл.

Фільм: Грунвальдская бітва

Від: Дакументальны

Характарыстыка: Фільм з цыкла «Гісторыя пад знакам «Пагоні» («Белсат»). Гэта была адна з вядомейшых бітваў сярэднявечча, якая паўплывала на лёсы шмат якіх еўрапейскіх народаў. Грунвальдская бітва — яшчэ адна слаўная частка нашай гісторыі.

Фільм: Вітаўт

Від: Дакументальны

Характарыстыка: Фільм з цыкла «Гісторыя пад знакам «Пагоні» («Белсат»). Пару валадарання Вітаўта ўсе летапісцы прызнаюць росквітам нашай дзяржавы — Вялікага княства Літоўскага. Гэты час нават назвалі залатым векам. Менавіта пры Вітаўце ВКЛ стала самай вялікай дзяржавай у Еўропе. Але яго шлях да ўлады быў непростым...

Фільм: Крэўская унія

Від: Дакументальны

Характарыстыка: Фільм з цыкла «Гісторыя пад знакам «Пагоні» («Белсат»). Канец ХIV стагоддзя стаў цяжкім часам для нашай гісторыі. Складаныя ўнутраныя адносіны і напружаная міжнародная сітуацыя вымусілі эліту ВКЛ шукаць падтрымкі ў суседніх краінах. Ягайла зрабіў выбар на карысць Польшчы.

Фільм: Ягайла

Від: Дакументальны

Характарыстыка: Фільм з цыкла «Гісторыя пад знакам «Пагоні» («Белсат»). Ён стаў заснавальнікам дынастыі Ягелонаў. У гісторыю Беларусі Ягайла ўвайшоў як супярэчлівая постаць. У барацьбе за ўладу ён не пашкадаваў свайго дзядзькі Кейстута, але ўрэшце быў вымушаны саступіць вялікакняскі сталец стрыечнаму брату Вітаўту, прыняўшы польскую карону.

Фільм: Альгерд

Від: Дакументальны

Характарыстыка: Фільм з цыкла «Гісторыя пад знакам «Пагоні» («Белсат»). Паводле сведчанняў сучаснікаў, ён вёў суровы лад жыцця. Летапісец занатаваў аб ім: «не так сілаю, як розумам ваяваў». У пачатку 1345 г. Альгерд і Кейстут здзейснілі дзяржаўны пераварот.