Фільм: Дзяржавы
Від: Дакументальны
Характарыстыка: Фільм з цыкла «Гісторыя пад знакам «Пагоні» («Белсат»). З VI ст. вялікую частку тэрыторыі нашай краіны пачынаюць займаць славяне. У выніку іх змешвання з мясцовымі балцкімі плямёнамі ўзнікае беларускі этнас і культура, якую археолагі называюць банцараўскаю. Ёсць прыкметы таго, што нашыя продкі ўжо ў той час мелі пэўную форму дзяржаўнасці.
Фільм: Хрысціянства
Від: Дакументальны
Характарыстыка: Фільм з цыкла «Гісторыя пад знакам «Пагоні» («Белсат»). З хрысціянствам насельніцтва Усходняй Еўропы сутыкнулася ў VII ст. у час паходу на землі Візантыйскай імперыі. Але першыя місіянеры з'явіліся на беларускіх землях толькі на 200 гадоў пазней. Ісландская «Сага пра хрышчэнне» апавядае пра Торвальда Вандроўніка, які ў Х ст. прапаведваў «грэцкую веру» на Полацкай зямлі. 988 г. стаў пунктам адліку беларускага хрысціянства.
Фільм: Курганы
Від: Дакументальны
Характарыстыка: Фільм з цыкла «Гісторыя пад знакам «Пагоні» («Белсат»). Курганы — насыпы над старажытнымі магіламі, «сведкі сівой мінуўшчыны». У Беларусі яны пачалі з'яўляцца яшчэ задоўга да хрысціянізацыі. І хоць шмат якія з іх «раскрылі» археолагі, нават пасля гэтага яны застаюцца для нас таямніцаю.
Фільм: Багі
Від: Дакументальны.
Характарыстыка: Фільм з цыкла «Гісторыя пад знакам «Пагоні» («Белсат»). У якіх багоў верылі нашы продкі перад тым, як на беларускіх землях распаўсюдзілася хрысціянства?
Фільм: Плямёны
Від: Дакументальны
Характарыстыка: Фільм з цыкла «Гісторыя пад знакам «Пагоні» («Белсат»). Чалавек з'явіўся на тэрыторыі Беларусі яшчэ ў перадлёдавы перыяд. Выяўленыя стаянкі на нашых землях паказваюць, што першыя пасяленні тут з’явіліся 10 тысяч год таму, калі ледавік адступіў на поўнач і пацяплеў клімат. Насельніцтва нашага краю тады налічвала некалькі тысяч чалавек, якія жылі паляваннем і збіральніцтвам. Пераважна гэта былі плямёны угра-фінаў. Іх след можна адшукаць на паўночным усходзе Беларусі. Поўнасцю тэрыторыя Беларусі была заселеная каля 5 тысч год таму. У гэты час сюды прыйшла вялікая хваля індаеўрапейцаў.