Фильмы-история Беларуси

Наўгародская рэспубліка і Марфа Барэцкая (фільм, «Гісторыя пад знакам «Пагоні»)

Фільм: Наўгародская рэспубліка і Марфа Барэцкая

Від: Дакументальны

Характарыстыка: Фільм з цыкла «Гісторыя пад знакам «Пагоні» («Белсат»). XV ст. стала часам актыўнай захопніцкай палітыкі Масквы. Адным з самых упартых яе супернікаў з'яўляўся Вялікі Ноўгарад. Шукаючы падтрымкі, наўгародцы звяртаюцца да Вялікага Княства Літоўскага з прапановай увайсці ў яго склад. Антымаскоўскія настроі існавалі ў Наўгародскай рэспубліцы з прычыны спрыяння шчыльных стасункаў з Заходняй Еўропай, а таксама таму, што Ноўгарад не спазнаў татарскага іга і таму захаваў свой вечавы лад. Фактычна, гэта была іншая цывілізацыя. Паражэнне ў 1478 г. наўгародцаў ад Маскоўскай дзяржаве на рацэ Шалоні скасавала незалежнасць Вялікага Ноўгарада. Фактычна была знішчана аснова яшчэ аднаго ўсходнеславянскага народа, таму што і па тэрыторыі, і па колькасці жыхароў, і па адметнасцях культуры Вялікі Ноўгарад і Пскоў маглі стварыць яшчэ адзін усходнеславянскі народ.

Князь Казімір Ягелончык (фільм, «Гісторыя пад знакам «Пагоні»)

Фільм: Князь Казімір Ягелончык

Від: Дакументальны

Характарыстыка: Фільм з цыкла «Гісторыя пад знакам «Пагоні» («Белсат»). З яго імем звязаны выключны і непаўторны факт з нашай гісторыі. Паўстагоддзя на тэрыторыі ВКЛ не было войн. З яго імем звязаны пачатак беларускага парламентарызму і першыя спробы кадыфікацыі вялікага князя. Між тым, пасад вялікага князя Казімір заняў у 13 гадоў.

Каранацыя Вітаўта. Няспраўджаныя магчымасці (фільм, «Гісторыя пад знакам «Пагоні»)

Фільм: Каранацыя Вітаўта. Няспраўджаныя магчымасці

Від: Дакументальны

Характарыстыка: Фільм з цыкла «Гісторыя пад знакам «Пагоні» («Белсат»). У 1420-х гадах Вялікае княства Літоўскае дасягае найбольшай магутнасці. Яго межы прасціраюцца ад Балтыкі да Чорнага мора, ад Курска да Галіцыі. ВКЛ мае трывалыя дыпламатычныя стасункі літаральна з усімі еўрапейскімі краінамі, а таксама з Асманскай імперыяй, Крымскім ханствам, Масквой. Пад пратэктаратам ВКЛ знаходзяцца Вялікі Ноўгарад, Пскоў, Разань. Вітаўту да гегемоніі ва Усходняй Еўропе не стае толькі аднаго — каралеўскай кароны.

Беларусы ў гусіцкіх войнах (фільм, «Гісторыя пад знакам «Пагоні»)

Фільм: Беларусы ў гусіцкіх войнах

Від: Дакументальны

Характарыстыка: Фільм з цыкла «Гісторыя пад знакам «Пагоні» («Белсат»). Пасля перамогі ў Грунвальдскай бітве, калі злучанае войска Ягайлы і Вітаўта разбіла тэўтонскіх рыцараў, пачаўся самы спрыяльны перыяд у гісторыі Вялікага княства Літоўскага. Мяжы яго сягалі ад Чорнага да Балтыйскага мора. На працягу пэўнага часу пад пратэктаратам літвінаў апынуліся таксама і чэхі...

Гарадзельская унія (фільм, «Гісторыя пад знакам «Пагоні»)

Фільм: Гарадзельская унія

Від: Дакументальны

Характарыстыка: Фільм з цыкла «Гісторыя пад знакам «Пагоні» («Белсат»). Пасля гістарычнай паразы пад Грунвальдам Тэўтонскі ордэн не перастаў існаваць. Заручыўшыся падтрымкай імператара Свяшчэннай Рымскай імперыі, крыжакі марылі аднавіць былую моц. Магчымасць новай вайны падштурхоўвала Вітаўта і Ягайлы на далейшае ўмацаванне агульных сіл.

Грунвальдская бітва (фільм, «Гісторыя пад знакам «Пагоні»)

Фільм: Грунвальдская бітва

Від: Дакументальны

Характарыстыка: Фільм з цыкла «Гісторыя пад знакам «Пагоні» («Белсат»). Гэта была адна з вядомейшых бітваў сярэднявечча, якая паўплывала на лёсы шмат якіх еўрапейскіх народаў. Грунвальдская бітва — яшчэ адна слаўная частка нашай гісторыі.

Вітаўт (фільм, «Гісторыя пад знакам «Пагоні»)

Фільм: Вітаўт

Від: Дакументальны

Характарыстыка: Фільм з цыкла «Гісторыя пад знакам «Пагоні» («Белсат»). Пару валадарання Вітаўта ўсе летапісцы прызнаюць росквітам нашай дзяржавы — Вялікага княства Літоўскага. Гэты час нават назвалі залатым векам. Менавіта пры Вітаўце ВКЛ стала самай вялікай дзяржавай у Еўропе. Але яго шлях да ўлады быў непростым...

Старонкі