Фильмы-история Беларуси

Бітва на рацэ Уле (фільм, «Гісторыя пад знакам «Пагоні»)

фільм Гісторыя пад знакам Пагоні Бітва на рацэ УлеФільм: Бітва на рацэ Уле

Від: Дакументальны

Характарыстыка: Фільм з дакументальнага цыкла «Гісторыя пад знакам «Пагоні» («Белсат»). Сярод усіх бітваў, дзе браў удзел Мікалай Радзівіл Руды, самая слаўная перамога была здабытая ім на рацэ Уле. Інфлянцкая вайна паміж Вялікім княствам Літоўскім і Маскоўскім царствам працягвалася ўжо год. Царскім войскам захоплены старажытны Полацк, у якім знішчана частка насельніцтва. Пасля гэтага Іван IV імкнуўся развіць поспех далей. Царскаму намесніку Шуйскаму было загадана выйсці з Полацка і каля Оршы злучыцца з буйным маскоўскім войскам. Пасля маскоўскія войскі павінны былі рухацца на Менск і Наваградак. Паўставала пагроза існаванню ВКЛ.

Іван Жахлівы і полацкая трагедыя (фільм, «Гісторыя пад знакам «Пагоні»)

фільм Гісторыя пад знакам Пагоні Іван Жахлівы і полацкая трагедыяФільм: Іван Жахлівы і полацкая трагедыя

Від: Дакументальны

Характарыстыка: Фільм з дакументальнага цыкла «Гісторыя пад знакам «Пагоні» («Белсат»). Іван IV Жахлівы (Грозны) — змрочная асоба ў беларускай, ды і расійскай гісторыі. Адукаваны ды набожны маскоўскі цар запомніўся жорсткай барацьбой з уласным баярствам ды іншымі падданымі, якая межавала з садызмам. У гісторыю Беларусі Іван Жахлівы ўвайшоў у сувязі з Інфлянцкай (Лівонскай) вайной. У 1558 г. Іван IV распачынае вайну супраць Інфлянцкага ордэна. Паводле таемнага пагаднення паміж ордэнам і Вялікім княствам Літоўскім, тэрыторыя Інфлянтаў пераходзіць пад пратэктарат ВКЛ. У Лівонію рушыць войска Вялікага княства на чале з Мікалаем Радзівілам Чорным. У адказ Іван IV пачынае вайну з ВКЛ. У 1563 г. выдатна ўзброенае маскоўскае войска заняло Полацк. Тысячы людзей былі выгнаны ў Маскоўскае царства. Па загадзе цара былі забіты манахі-бернардзіны і дамініканцы. Яўрэйскае насельніцтва было патоплена ў Дзвіне.

Жыгімонт Аўгуст (фільм, «Гісторыя пад знакам «Пагоні»)

фільм Гісторыя пад знакам Пагоні Жыгімонт АўгустФільм: Жыгімонт Аўгуст

Від: Дакументальны

Характарыстыка: Фільм з цыкла «Гісторыя пад знакам «Пагоні» («Белсат»). З імем гэтага манарха найчасцей згадваецца самае трагічнае каханне ў нашай гісторыі. Але 28 гадоў ягонага княжання выпалі на вельмі складаны час у жыцці Вялікага княства Літоўскага. Жыгімонт ІІ Аўгуст падтрымаў рэарганізацыю судоў, войска і дзяржаўнага скарбу. Ён працягнуў распачатую яго маці Бонай Сфорца рэформу сельскай гаспадаркі, вядомую як «Устава на валокі». Роля яго ў айчыннай гісторыі неадназначная. Менавіта па згодзе Жыгімонта Аўгуста паўднёвыя землі ВКЛ былі інкарпараваны ў склад Польшчы. У 1569 г. пры ім была заключана Люблінская унія, якая паклала пачатак існаванню Рэчы Паспалітай.

Бітва з татарамі пад Альшаніцаю (фільм, «Гісторыя пад знакам «Пагоні»)

Фільм: Бітва з татарамі пад Альшаніцаю

Від: Дакументальны

Характарыстыка: Фільм з цыкла «Гісторыя пад знакам «Пагоні» («Белсат»). Пачынаючы з ХІІІ ст., над нашымі землямі навісае пагроза з поўдня. ВКЛ не зведае мангольскага іга, але да XVI ст. змагацца з татарамі будуць усе вялікія князі літоўскія. Пакласці канец татарскім наездам лёс вызначыў Канстанціну Астрожскаму, найвышэйшаму гетману ВКЛ. Яго называлі Ромулам, Сцыпіёнам, другім Ганібалам. Менавіта Астрожскі вёў войскі ў пераможную бітву пад Воршай.

Канстанцін Астрожскі і бітва пад Воршаю (фільм, «Гісторыя пад знакам «Пагоні»)

Фільм: Канстанцін Астрожскі і бітва пад Воршаю

Від: Дакументальны

Характарыстыка: Фільм з цыкла «Гісторыя пад знакам «Пагоні» («Белсат»). Ёй быў прысвечаны спецыяльны лісток навінаў, выпушчаны ў Нюрнбергу ў 1514 г. Яна ўвайшла ў еўрапейскія ваенныя хрэстаматыі як узор удалай тактыкі змагання з большымі сіламі ворага.

Песня пра зубра (фільм, «Гісторыя пад знакам «Пагоні»)

Фільм: Песня пра зубра

Від: Дакументальны

Характарыстыка: Фільм з цыкла «Гісторыя пад знакам «Пагоні» («Белсат»). Лацінская мова была шырока распаўсюджана сярод адукаваных людзей ВКЛ. Актыўна карысталася ёй літаратура. Гэта падрыхтавала глебу да з'яўлення ўласнай літаратуры на лацінскай мовы. І цэнтральнае месца ў ёй заняў твор, які на доўгі час стаў сімвалізаваць ВКЛ за межамі дзяржавы.

Беларуска-літоўскае летапісанне (фільм, «Гісторыя пад знакам «Пагоні»)

Фільм: Беларуска-літоўскае летапісанне

Від: Дакументальны

Характарыстыка: Фільм з цыкла «Гісторыя пад знакам «Пагоні» («Белсат»). Беларуска-літоўскае летапісанне — гэта феномен. Гэты цікавы тэрмін увайшоў у гістарыяграфіі дзякуючы аўтарытэту даследчыка Мікалая Улашчыка.

Старонкі