Бібліятэка

Электронная бібліятэка Adverbum.org — кнігі па гісторыі Беларусі

Электронная бібліятэка Adverbum.org — кнігі па гісторыі

Спампаваў кніжку — выратаваў дрэва.

Электронная бібліятэка Adverbum.org — бібліятэка кніг і спасылак на кнігі па гісторыі Беларусі. Таксама тут прадстаўлена літаратура па гісторыі Расіі, Украіны, сусветнай гісторыі, археалогіі і г.д. Спампаваць электронныя кнігі па гісторыі можна па спасылках, якія вядуць або непасрэдна на файлы, змешчаныя ў сеціве ў адкрытым доступе, або на іншыя электронныя бібліятэкі. Сайт Adverbum.org не ўтрымлівае файлаў электронных версій кніг.

Развіццё інфармацыйных тэхналогій адкрыла магчымасць пераводу інфармацыі ў лічбавы выгляд. Словазлучэнне «электронная бібліятэка» стала звыклым.

Чараўко, В.У. Археалагічныя раскопкі на могільніку каля вёскі Доўгае Глыбоцкага раёна ў 2015 г.

Чараўко В.У. Археалагічныя раскопкі на могільніку Доўгае Глыбоцкага раёнаАртыкул: Чараўко, В. У. Археалагічныя раскопкі на могільніку каля вёскі Доўгае Глыбоцкага раёна ў 2015 г. / В. У. Чараўко // Беларускае Падзвінне: вопыт, методыка і вынікі палявых і міждысцыплінарных даследаванняў: зборнік навуковых артыкулаў ІІІ Міжнароднай навукова-практычнай канферэнцыі, Полацк, 14–15 красавіка 2016 г. : у 2 ч. Ч. 1 / пад агульнай рэдакцыяй Д. У. Дука, У. А. Лобача, А. І. Корсак. — Наваполацк : ПДУ, 2016. — С. 170–177.

Анатацыя: Артыкул прысвечаны апісанню археалагічных даследаванняў на могільніку каля в. Доўгае Глыбоцкага раёна ў 2015 г. Плошча раскопа склала 72 кв. м. Было ўскрыта 29 пахаванняў. Касцякі арыенціраваны галавой на захад з невялікімі адхіленнямі да поўначы і поўдня. Можна меркаваць, што могілкі функцыянавалі на працягу ХV–ХVIII стст. Верхняя дата пацвярджаецца манетай 1743 г.

Commentarii Polocenses historici. — 2004. — Том I

Commentarii Polocenses historici 2004 Т. 1Часопіс: Commentarii Polocenses historici. — 2004. — Том I.

Характарыстыка: Commentarii Polocenses historici (Полацкія гістарычныя запіскі) — навуковае перыядычнае выданне, што выходзіла ў 2004–2006 гг. раз на год. Часопіс быў прысвечаны рэгіянальнай гісторыі. Пераважная большасць публікацый датычылася гісторыі Полацка і Полацкай зямлі ХVI–ХVIII стст., але друкаваліся і артыкулы па ХIХ–ХХ стст. Акрамя артыкулаў і паведамленняў, у часопісе публікаваліся тэксты гістарычных крыніц рэцэнзіі на гістарычныя працы.

У томе I часопіса Commentarii Polocenses historici (2004 г.) змешчаны артыкулы Міхаіла Спірыдонава пра Полаччыну ў сярэдзіне ХVI ст., Васіля Вароніна пра Дрысу ў ХVI ст., Андрэя Янушкевіча пра бітву на рацэ Ула 1564 г., Аляксандра Доўнара пра пацвярджальны прывілей Полацку 1633 г., Максіма Гардзеева пра акты па аперацыях з нерухомасцю ў кнігах Полацкага магістрата другой паловы ХVII ст., паведамленне Вольгі Емяльянчык пра гісторыю палеаантрапалагічнага вывучэння насельніцтва Беларускага Падзвіння эпохі сярэднявечча, падрыхтаваныя Андрэем Радаманам, Віталём Галубовічам, Дарыюсам Вілімасам спісы земскіх ураднікаў Полацкага ваяводства другой паловы ХVI — першай паловы ХVII ст., а таксама іншыя матэрыялы.

Commentarii Polocenses historici (Полацкія гістарычныя запіскі)

Часопіс Commentarii Polocenses historici Полацкія гістарычныя запіскіЧасопіс: Commentarii Polocenses historici (Полацкія гістарычныя запіскі).

Характарыстыка: «Commentarii Polocenses historici» (лац.), або «Полацкія гістарычныя запіскі» — навуковы часопіс, прысвечаны рэгіянальнай гісторыі Беларусі. Пераважная большасць публікацый у ім датычылася гісторыі Полацка і Полацкай зямлі перыяду позняга сярэднявечча — ранняга новага часу. Акрамя навуковых артыкулаў і паведамленняў, кожны том уключаў матэрыялы (у тым ліку публікацыі гістарычных крыніц) і рэцэнзіі.

Часопіс «Commentarii Polocenses historici» выходзіў у 2004–2006 гг. раз на год. Усяго пабачылі свет тры тамы. Пасля гэтага выданне было спынена.

Матэрыялы па археалогіі Беларусі. — 2016. — Вып. 27

Матэрыялы па археалогіі Беларусі 2016 Вып. 27Зборнік: Матэрыялы па археалогіі Беларусі. — Мінск, 2016. — Вып. 27. Вынікі даследаванняў першабытных і сярэдневяковых старажытнасцей Беларусі ў 2013–2014 гадах.

Характарыстыка: «Матэрыялы па археалогіі Беларусі» — навуковае выданне Інстытута гісторыі НАН Беларусі. Першы выпуск МАБа пабачыў свет у 1957 г. Пасля гэтага выданне спынілася. Другі выпуск выйшаў толькі ў 1999 г. У межах серыі друкуюцца зборнікі артыкулаў па выніках археалагічных даследаванняў вучоных Беларусі і сумежных краін. Асобныя выпускі прысвячаюцца эпохам, праблемам, вядомым археолагам, утрымліваюць матэрыялы канферэнцый або з’яўляюцца манаграфіямі.

Выпуск 27 «Матэрыялаў па археалогіі Беларусі» прысвечаны вынікам даследаванняў першабытных і сярэдневяковых старажытнасцей Беларусі ў 2013–2014 гадах. У ім надрукаваны артыкулы В.М. Ляўко, П.М. Кенька, М.В. Клімава, Н.П. Шутковай, А.Г. Калечыц, А.Ю. Ткачова, А.М. Вашанава, А.У. Вайтовіч, В.У. Ашэйчыка, А.А. Башкова, М.М. Крывальцэвіча, А.Ф. Касюк, А.В. Вайцяховіча і шэрагу іншых даследчыкаў.

Гістарычна-археалагічны зборнік. — 2016. — Вып. 31

Гістарычна-археалагічны зборнік 2016 Вып. № 31Часопіс: Гістарычна-археалагічны зборнік. — Мінск, 2016. — Вып. 31.

Характарыстыка: Гістарычна-археалагічны зборнік — перыядычнае выданне Інстытута гісторыі Нацыянальнай акадэміі навук Беларусі. Першы выпуск ГАЗа выйшаў у 1927 г., пасля чаго выданне спынілася на некалькі дзесяцігоддзяў. Аднаўленне адбылося толькі ў 1993 г. З таго часу гістарычна-археалагічны зборнік выходзіць рэгулярна. Выпуск 31 Гістарычна-археалагічнага зборніка выйшаў у 2016 г. Ён прысвечаны 155-годдзю з дня нараджэння Яўхіма Фёдаравіча Карскага.

У ГАЗ-31 друкуецца шэраг матэрыялаў, прысвечаных акадэміку Карскаму. Сярод іх артыкулы Міхаіла Касцюка пра асноўныя вехі жыцця і дзейнасці Я. Карскага, Андрэя Унучака, Марыны Глеб, Алены Сакольчык і Сяргея Траццяка пра невядомыя дакументы і факты з жыцця акадэміка, Міхаіла Шумейкі пра ўзаемаадносіны Я. Карскага і У. Пічэты і іншыя. Надрукаваны артыкулы Станіслава Юрэцкага пра новы культурны кампанент ляснога неаліту Беларускага Панямоння, Анастасіі Касцюкевіч пра каменныя бусы з тэрыторыі Полацкай зямлі, Івана Спірына пра ўмацаванні Оршы і Копысі ў в XII–XVIII стст., Дзмітрыя Скварчэўскага пра cтанаўленне навуковай астраноміі ў Вялікім Княстве Літоўскім, Аляксандра Каханоўскага пра рэвалюцыю 1905–1907 гг. і грамадскія працэсы на Беларусі, Анатоля Крыварота пра абарону Расонска-Асвейскай партызанскай зоны ў студзені — лютым 1943 г., Алега Яноўскага і Валянціны Яноўскай пра пошукі дыскурсу гісторыі Беларусі ў кантэксце гісторыі СССР у 1920–1930-х гг., а таксама публікацыі іншых даследчыкаў.

Помнікі гісторыі і культуры Беларусі. — 1982. — № 1

Часопіс Помнікі гісторыі і культуры Беларусі 1982 № 1Часопіс: Помнікі гісторыі і культуры Беларусі. — 1982. — № 1 (49).

Характарыстыка: Часопіс (бюлетэнь) «Помнікі гісторыі і культуры Беларусі» пачаў выдавацца з 1970 г. Бюлетэнь быў афіцыйным органам Беларускага дабраахвотнага таварыства аховы помнікаў гісторыі і культуры. У ім друкаваліся матэрыялы, якія павінны былі садзейнічаць ахове помнікаў і іх папулярызацыі, а таксама вынікі вывучэння. Аб’ём артыкулаў пераважна быў невялікім. У № 1 «Помнікаў гісторыі і культуры Беларусі» за 1982 г. друкуюцца матэрыялы да 100-годдзя з дня нараджэння Янкі Купалы і Якуба Коласа, інфармацыя пра IV з’езд Беларускага добраахвотнага таварыства аховы помнікаў гісторыі і культуры, літаратурна-публіцыстычныя творы Вінцэся Каратынскага, а таксама іншыя матэрыялы.

Старонкі