Шо — Івесь-2011
Падобныя матэрыялы:
Троху болей чым праз тыдзень пасля заканчэння археалагічный практыкі ў студэнтаў-завочнікаў экспедыцыя Полацкага дзяржаўнага ўніверсітэта рушыла на Глыбоччыну. Раскопкі праходзілі паміж вёскамі Івесь і Шо. Вёска Шо лічыцца цэнтрам Еўропы. Да гэтага трэба падыходзіць з пэўнай доляй гумару. Гонар лічыцца цэнтрам Еўропы аспрэчваюць некалькі населеных пунктаў Беларусі, у тым ліку і Полацк, дзе нават ёсць адпаведны памятны знак. Знак ёсць і на Глыбоччыне, праўда, чамусьці ў вёсцы Івесь. Справа ў методыцы вылічэння, у тым, што лічыць скрайнімі пунктамі Еўропы. У любым выпадку робіцца гэта дзеля актывізацыі турызму. А мы, атрымлівалася, выправіліся з аднаго центра Еўропы ў другі.
Раскопкі ў Глыбоцкім раёне мы пачалі ў мінулым годзе, у час археалагічна-этнаграфічнай практыкі. Зараз ў экспедыцыю паехалі валанцёры. Асноўную масу складалі студэнты дзвюх нашых лепшых груп: 07-ГІС і 08-ГІС, але можна казаць і аб сувязі пакаленняў (10-ГІС). Амаль два тыдні ўдзельнікі экспедыцыі стаялі лагерам ля возера — самае то ў спякоту. Жылі ў намётах, гатавалі ежу на вогнішчы. Прыемна, што ніхто з іх не расчараваў: не было ні гультайства, ні непаразуменняў з мясцовым насельніцтвам.
Невялікая фотасправаздача з экспедыцыі.
Наш намётавы лагер
Раскоп. Дзея першая. Аляксей, Яўген, Ганна, Таццяна, Віктар
Раскоп. Дзея другая. Тыя ж і сіта :)
Пераборка. Варвара, Таццяна, Ганна
Прыгатаванне ежы: Дзмітрый кантралюе працэс
Сцяпан робіць вялікую лыжку на замову :)
Кот Шліман. Прыходзіў праверыць сітуацыю штодня
У вольны час
Спартыўныя спаборніцтвы: скокі ў раскоп
Нацюрморт. Хлеб, агуркі, тушаніна, малаток і зубіла :)
Самалёцікі
Стыхія
Прырода
У сядзібе-музеі Васіля Быкава (в. Бычкі) з наглядчыцай музея Антанінай Аляксандраўнай Быкавай
Былая панская сядзіба
Закінуты касцёл
Касцёльныя скляпенні
Доўгачаканы момант закладання капсулы